LA LASTAN ESPERON ĈU NI PERDIS?
Kiam la scienca oficiro Za rigardis la grandegan kosmoŝipon, similan al ĉiela fortikaĵo, li sciis, ke li atestas historian momenton. Post tri mil jaroj da vojaĝo tra la senfineco, la generacia kosmoŝipo La Lasta Espero fine alvenis.
Sed kio atendis lin malantaŭ la senmakulaj muroj de la ŝipo? Anstataŭ glora civilizo, Za renkontis nur la mutan malvarmon de robotoj kaj la voĉon de la Saĝulo, la super-artefarita inteligenteco. Kie kaŝiĝis la homoj, la kreintoj de tiu ĉi teknologia miraklo?
En la mallumaj koridoroj de la kosmoŝipo, Za malkovros ne nur la historion de formortinta specio, sed ankaŭ la teruran veron pri la “Saĝa Homo”. Ĉu eblas, ke la lasta espero de la homaro fariĝis ĝia eterna karcero?
“Homo sapiens estas estaĵo kun malforta memoro kaj tendenco forgesi.”
La Lasta Espero
Aŭtoro: Ruhşen Doğan Nar
Traduko al Esperanto: Vasil Kadifeli
Preparis por eldono: Emre Bozkuş
Eldonisto: Roket Kitap
Vi povas elŝuti la PDF-version de la libro:
La Lasta Espero – Ruhşen Doğan Nar
